Italiani Fabio Capello, ish-trajneri i Real Madridit, vlerësoi bashkëkombasin e tij Carlo Ancelotti dhe siguroi se ai është trajneri më i madh që ka pasur ndonjëherë Italia: “Ancelotti është një trajner i madh, më i miri që kemi pasur në Itali. Ai është më i miri nga të gjithë, sepse të fitosh kudo është e vështirë”.

Megjithatë, duke pasur parasysh zërat për një nënshkrim të mundshëm të Ancelottit për pankinën e kombëtares braziliane, Capello paralajmëroi trajnerin aktual të Real Madridit: “Të stërvitësh një klub është shumë ndryshe nga një ekip kombëtar.

Është një vizion interesant, shumë i bukur. Të stërvitësh një kombëtare është shumë ndryshe, por të menaxhosh Brazilin për të mund të jetë një ëndërr në fund të karrierës, siç ishte për mua pankina e Anglisë. Shpresoj që të jetë kështu".

Capello foli edhe për rastet e portugezit Rafael Leao, lojtar i Milanit dhe italianit Nicolo Zaniolo, i cili u largua nga radhët e Romës më pak se një javë më parë për të nënshkruar me Galatasaray turk, për të cilët tha se "janë të këshilluar keq dhe mendojnë vetëm për kontratat (paratë)".