Real Madridi në krye të botës. Fitore e madhe në në finalen e Botërorit të Klubeve, me "Los Blancos" që triumfuan 5-3 ndaj Al Hilal. Një sukses që pati edhe "shenjën" e Karim Benzema, autor i një prej pesë golave të të tijve.

Javët e fundit, francezi ka qenë në qendër të thashethemeve të ndryshme në lidhje me të ardhmen e tij. Kontrata e lojtarit me Real Madridin është pranë skadimit, por gjithçka do të varet nga vullneti i tij për rinovim.

Në fakt, sipas "Marca", brenda klubit madrilen ekziston një rregull “i fshehur”. Në të vërtetë, duket se ka një pakt të pashkruar brenda klubit që do t’i lejonte fituesit të "Topit të Artë" të vendoste për fatin e tij.

Kushdo që fiton çmimin prestigjioz, atëherë ka të drejtë të zgjasë marrëveshjen e tij nëse dëshiron ose, në të njëjtën kohë, të zgjedhë të kundërtën. Të shohim se si do të shkojnë gjërat mes palëve.