Dolores Aveiro së fundi ka kaluar nëpër parukeri për t’i dhënë një kthesë radikale imazhit të saj. Nëna e Cristiano Ronaldos ka lënë pas ngjyrën kafe të errët që kishte mbajtur gjatë gjithë jetës së saj, për t’u bërë një bjonde e hapur. Një ngjyrë që e bën të duket shumë më e re.

Pas kësaj, mamaja e yllit portugez ka dashur të ndajë rezultatin me pothuajse 3.5 milionë ndjekësit e saj në Instagram. Ajo që nuk pritej me siguri ishte orteku i madh i kritikave që do t’i vinin.

Të gjithë bien dakord për të njëjtën gjë: teprica e photoshop-it që ka përdorur. “Të njëjtat filtra që ka përdorur në qafë mund të ishin përdorur në fytyrën e saj” ose “kujdes kur dilni nga shtëpia pa photoshop”, janë disa nga mesazhet që mund të lexohen në rubrikën e komenteve.

Ndërsa lëkura e fytyrës së saj duket krejtësisht e lëmuar, në zonën e qafës mund të shihni rrudha tipike për një grua të moshës së saj, të cilat ajo duket se ka harruar t’i eliminojë.

Që kur pësoi një atak kardiak vitin e kaluar, daljet publike të Dolores janë reduktuar ndjeshëm. Madje, ajo nuk e ka shoqëruar as djalin e saj në prezantimin si lojtar i ri i Al Sadd. Ajo nuk është parë as në ndeshjet e Portugalisë gjatë Botërorit të fundit në Katar.

Dhe pikërisht, sipas asaj që kanë raportuar disa media portugeze, ajo ka vuajtur shumë gjatë ndeshjeve në të cilat ka luajtur Cristiano.