Ekipet algjeriane të kërkim-shpëtimit, që erdhën në Adiyaman, e cila u godit nga tërmetet me qendër Kahramanmaraş, dhe vazhduan punën e tyre, e shpëtuan vajzën 5-vjeçare nga rrënojat 61 orë pas tërmetit.

Fëmija është dërguar në spital me autoambulancë pas ndihmës së parë.

3 persona janë shpëtuar nga rrënojat 76 orë pas tërmetit në Gaziantep

Përpjekjet e kërkim-shpëtimit vazhdojnë në rrënojat e ndërtesave të shkatërruara në Gaziantep, pas tërmeteve, epiqendra e të cilave janë rrethet Pazarcık dhe Elbistan dhe kanë prekur 10 provinca.

Puna në zonë u intensifikua pasi u dëgjua zhurma nga rrënojat e ndërtesës në Ayşe-Polat Sitesi në distriktin Merkez Batıkent.

Pas një pune të gjatë të ekipeve janë gjetur të gjallë 3 persona. Ersin dhe Mustafa Tabur, të cilët u larguan nga rrënojat e plagosur, dhe babai i tyre Mithat Tabur u pritën me duartrokitje dhe tekbir.

Të plagosurit, të cilët janë larguar nga vendi ku kanë mbetur të bllokuar 76 orë pas tërmetit, janë dërguar në spital me autoambulanca.

Familja 3 anëtarëshe në Kahramanmaraş u shpëtua nga rrënojat 73 orë pas tërmetit

Nga ana tjetër, përpjekjet e kërkim-shpëtimit në rrënojat vazhdojnë.

Përpjekjet e kërkim-shpëtimit vazhdojnë në rrënojat e ndërtesave të shkatërruara në Kahramanmaraş pas tërmeteve, epiqendra e të cilave janë rrethet Pazarcik dhe Elbistan dhe prekin 10 provinca.

Ekipet e shpëtimit të Sakarya Metropolitane dhe Bashkia Isparta u dërguan në rajon pasi u dëgjua zhurma nga rrënojat e apartamentit 7-katësh Gözde 2 në Bulevardin Azerbajxhan në lagjen Onikisubat.

Pas punës së gjatë të ekipeve, u arritën Ali (55), gruaja e tij Zelal (40) dhe vajza e tyre 5-vjeçare Mir Berzan Bagis.

Familja e plagosur e nxjerrë nga rrënojat është pritur me duartrokitje dhe lutje.

Familja e plagosur është dërguar në spital me ambulancë 73 orë pas tërmetit.

Fotot: AA