Një tjetër tërmet i fuqishëm me magnitudë 7.7 ballë të shkallës Rihter goditi sërish Turqinë pak minuta më parë, raporton noa.al.

Tërmeti ishte në serinë e mbi 100 pasgoditjeve, pas atij më të fortë, 7.8 ballë në orën 02.17 të mëngjesit të sotëm që goditi Turqinë juglindore dhe Sirinë veriore duke vrarë më shumë se 1,300 njerëz.

Qindra të tjerë besohet se ende ishin të bllokuar nën rrënoja dhe numri pritej të rritet ndërsa punonjësit e shpëtimit kërkuan grumbullime rrënojash në qytete dhe qyteza në të gjithë zonën.

Rreth 7 mijë njerëz janë plagosur në Turqi dhe Siri. Në Turqi raportohen rreth një mijë të vdekur kurse në Siri rreth 500 të tjerë.