Një gjykatë e lartë spanjolle ka vendosur në favor të një burri që u gjobit pasi ecte lakuriq nëpër rrugët e një qyteti në rajonin e Valencias dhe më vonë u përpoq të merrte pjesë në një seancë gjyqësore krejtësisht i zhveshur.

Në një deklaratë, gjykata e lartë e rajonit tha se kishte hedhur poshtë një apel kundër një vendimi të gjykatës më të ulët për të anuluar gjobat e dhëna ndaj burrit për shkak se ishte lakuriq në rrugët e Aldaia, një qytet në periferi të kryeqytetit rajonal.

Gjykata, megjithatë, pranoi se ka një "vakum ligjor" në ligjin spanjoll në lidhje me lakuriqësinë publike.

Alejandro Colomar, 29 vjeç, u filmua teksa mbërriti në gjykatë i veshur me vetëm një palë çizme hiking përpara se të urdhërohej të vishte më shumë rroba për të hyrë në ndërtesë.

Në gjyqin e tij, ai argumentoi se gjobat cenonin të drejtën e tij për liri ideologjike.

Ai i tha Reuters se filloi të zhvishej në publik në vitin 2020 dhe ka marrë më shumë mbështetje sesa fyerje kur ecën lakuriq, edhe pse një herë ishte kërcënuar me thikë.

"Gjoba nuk ka kuptim," tha ai. "Ata më akuzuan për ekzibicionizëm të turpshëm. Sipas fjalorit kjo nënkupton qëllimin sek’sual dhe nuk ka të bëjë fare me atë që bëja".

Lakuriqësia publike ka qenë e ligjshme në Spanjë që nga viti 1988. Çdokush mund të ecë zhveshur nëpër rrugë pa u arrestuar, por disa rajone si Valladolid dhe Barcelona kanë futur ligjet e tyre për të rregulluar nud’izmin, veçanërisht larg plazhit.

Gjykata vuri në dukje se Aldaia nuk ka ligj që ndalon nud’izmin.

Gjykata e Valencias vendosi që Colomar "e kishte kufizuar veten të qëndronte ose të qarkullonte lakuriq në kohë të ndryshme në dy rrugë të ndryshme të Aldaia" dhe sjellja e tij nuk nënkuptonte një "ndryshim të sigurisë së qytetarëve, qetësisë apo rendit publik". /noa.al

Fotot: Reuters