Në pritje për të ditur nëse kërkesa për lirim do të miratohet nga gjyqtari, Dani Alves vazhdon të grumbullojë pengesa ekonomike. Futbollisti brazilian akuzohet për sulm seksual dhe është i burgosur në burgun katalanas, Brians 2, që prej të premtes më 20 janar.

Në ditët që kanë kaluar nga arrestimi i tij, Alves ka parë të anulohen disa kontrata sponsorizimi. Dhe tani, sipas asaj që shkruan portali brazilian "Uol Esporte", pasi kishte akses në dokument, një kërkesë për kompensim për dëmet nga Pumas, klubi meksikan për të cilin luante në kohën e ngjarjeve që çuan në burgosjen e tij, iu dërgua me email.

Në mesin e janarit, Alves i kërkoi Pumas leje për të ardhur në Spanjë dhe marrë pjesë në funeralin e vjehrrës së tij në Tenerife. Pastaj ai udhëtoi drejt Barcelonës për t’u marrë në pyetje. Pas arrestimit, Pumas anuloi menjëherë kontratën me Alves, duke e akuzuar brazilianin se kishte dëmtuar imazhin e klubit.

Dhe tani i kërkojnë 5 milionë dollarë amerikanë, 4.54 milionë euro dëmshpërblim për prishje imazhi: “Për shkelje shumë të rënda, lojtari është i detyruar në mënyrë të pariparueshme t’i paguajë klubit pagesën e dëmshpërblimit të parashikuar në pikat 14 dhe 15 të kontratës.

Një shumë e barabartë me 5 milionë dollarë neto, pa taksa. Pumas rezervon të drejtën për të ndërmarrë veprimet që i konsideron të nevojshme pranë FIFA-s dhe/ose çdo juridiksioni tjetër përkatës dhe kompetent për të kërkuar kompensim".

Më shumë material për avokatët e Dani Alves, të cilët kanë marrë disa anulime kontraktuale ditët e fundit. Kjo është diçka që ka zbuluar i njëjti studim i avokatit katalanas Cristobal Martell.

Për momentin, kompania braziliane e sigurimeve "Hygia Saude", një shtëpi bastesh që e kishte zgjedhur si ambasador, dhe marka e veshjeve "Ethika" kanë anuluar ose pezulluar bashkëpunimin me ish-futbollistin e Barçës. Nga ana tjetër, Alves i kishte skaduar kontrata me "Adidas" pas Botërorit, para arrestimit.