Emrat e Mike Maignan dhe Zlatan Ibrahimovic nuk figurojnë në listën e re të UEFA-s, të prezantuar nga Milani. Një vendim i dyfishtë, ai i klubit kuqezi, me sa duket rezultat i dyshimeve në lidhje me kohët aktuale të rikuperimit të të dyve, që kanë qenë jashtë fushave për muaj të tërë.

Nëse Liga e Kampionëve 2022-2023 ka përfunduar tashmë për suedezin, nuk është e njëjta gjë për portierin francez. Në fakt, Milani mund ta rikthejë teknikisht Maignan në listën e UEFA-s dhe mund ta bëjë këtë brenda 24 orëve nga ndeshja tjetër, në të cilën kuqezinjtë duhet të dalin në fushë (e ardhshmja do të jetë ajo kundër Tottenhamit, e vlefshme për 1/8 finale).

Natyrisht, rregullorja e Champions League dhe në këtë rast neni 46.04 do ta lejonte këtë: “Pasi portieri i dëmtuar ose i sëmurë të bëhet i aftë për të luajtur sërish, ai mund të rifitojë pozicionin e tij në vend të zëvendësuesit të caktuar. Rikthimi i portierit ‘origjinal’ duhet të njoftohet në UEFA 24 orë përpara ndeshjes së ardhshme, në të cilën pritet të vendoset portieri”.

Për Maignan, rikthimi i tij në fushë po afron. Rikuperimi i tij për Milan-Tottenham, ndeshje e cila është planifikuar për më 14 shkurt, duket ende shumë i komplikuar. Krahasuar me listën e UEFA-s të paraqitur në shtator, ka vetëm një ndryshim: Thiaw ka zënë vendin e Dest. Më poshtë është lista e UEFA-s, e paraqitur nga Milani:

Portierë: Tatarusanu, Mirante

Mbrojtës: Calabria, Ballo-Touré, Hernandez, Kalulu, Tomori, Kjaer, Florenzi, Thiaw, Gabbia

Mesfushorë: Bennacer, Tonali, Brahim Diaz, Messias, Pobega, Krunic, Saelemaekers, De Ketelaere

Sulmues: Giroud, Rebic, Leao, Origi