Pak trajnerë janë bërë aq të dashur në futbollin spanjoll, por jo vetëm, veçanërisht kur drejtojnë një nga dy klubet më përçarëse, sa Carlo Ancelotti. 63-vjeçari ka shijuar periudhën e tij të dytë te Real Madridi, duke e ditur se ishte një mundësi e artë dhe ndoshta puna e tij e fundit në menaxhimin e një klubi.

Këtë e ka treguar jo vetëm me punën e tij dhe trofetë e fituar, por edhe në marrëdhëniet me shtypin, tifozët e lojtarët. Asnjëherë nuk ka frikë të bëjë shaka, Ancelotti nuk e tregon veten shumë serioz, i prerë dhe i ftohtë e cinik me askënd.

Trajneri italian u pa duke kërcyer me lojtarët e tij në fushë pas finales së Ligës së Kampionëve. Ai duket se është mjaft i dashur nga elementët më të rinj dhe më të vjetër në skuadrën e bardhë.

Të dielën mbrëma, kundër Athletic Club, u shfaq një tjetër video zbavitëse e Ancelottit. Teksa kaloi para pankinës, një fans në “San Mames” e pyeti nëse mund t’i jepte ndonjë çamçakëz, të cilët ai shihet duke i përtypur rregullisht gjatë ndeshjeve. Jo çdo trajner do të ishte përgjigjur si ai, duke u ndalur dhe dhënë fansit atë që kërkoi.

Megjithatë, italiani ka gjithashtu një anë serioze kur nevojitet. Javën e kaluar u pa gjithashtu duke qortuar Rodrygo Goes për mungesë respekti, pasi braziliani u ul në stol pa përshëndetur trajnerin, kur u zëvendësua.

Carlo Ancelotti es un genio 🤣🤣 pic.twitter.com/O3FuXW03sV

— Real Madrid 🤍 (@MadridismoreaI) January 23, 2023