Gjenden në Tiranë tre vajzat e humbura nga Maqellara.
Burime policore informojnë se vajzat janë gjetur në Tiranë.
Dy prej vajzave janë kushërira dhe njëra është vajza e hallës së tyre.
Megjithatë familjarët ndodhen ende në polici duke dhënë deklarimet.
Policia vendore informon se ‘rreth orës 19.30, në Postën e Policisë Maqellarë janë paraqitur dhe kanë bërë kallzim L.P., dhe M.H., të cilët kanë deklaruar se janë larguar nga banesa pa adresë tre vajzat e tyre të mitura.
Menjëherë është bërë shpallja në kërkim dhe si rezultat i shkëmbimit të informacionit dhe veprimeve të mirë koordinuara me shërbimet e DVP Tiranë, është bërë e mundur gjetja e të miturave në Tiranë, të cilat janë shoqëruar nga Policia në Komisariatin nr 1.
Të miturat ndodhen në gjendje të mirë shëndetësore dhe po meren në pyetje në prani të psikologut.