Memphis Depay është tashmë një lojtar i ri i Atlético Madridit. Ardhja e ndërkombëtarit holandez në skuadrën “rojiblanco” është një realitet. Lojtari në fjalë bëhet sulmuesi që aq shumë kërkonte klubi i drejtuar nga Diego Simeone.
Pra, ai lë Barcelonën, ku nuk po gjente hapësira aktivizimi, dhe firmos deri në vitin 2025 me klubin e presidentit Enrique Cerezo, që ka paguar 3 milionë euro, plus një milion më shumë në formë bonusesh.
Sulmuesi, i cili e përfundonte kontratën me Barcelonën qershorin e ardhshëm, do të forcojë skuadrën e Atléticos pas largimit të Cunha dhe Joao Félix në këtë merkato dimërore. Duke pasur parasysh mungesën e forcave në repartin ofensiv, Depay bëhet nënshkrimi që stafi stërvitor kërkonte aq shumë.
Pas disa ndeshjeve të fundit të La Liga-s në të cilat mungesa e golit është paguar jashtëzakonisht, ish-lojtari i Barcelonës, Lyon dhe Manchester United synon të jetë një nga zgjidhjet e “Colchoneros”.
Pavarësisht se Barcelona po kërkonte një shkëmbim me Carrascon ose një pagesë prej 7 milionë eurosh, Atlético i ka mbyllur dyert për ndonjë prej futbollistëve të rëndësishëm të tij në këtë pikë të sezonit. Belgu mund të jetë i Barçës në qershor, nëse paguan 20 milionë euro.
🇳🇱 ¡@Memphis es nuevo jugador rojiblanco! 🔴⚪
🖊 El internacional neerlandés ha firmado con nuestro club por lo que resta de temporada y dos campañas más.
👋 ¡#BienvenidoMemphis! 😊 pic.twitter.com/zvT0rKNC9U
— Atlético de Madrid (@Atleti) January 20, 2023