Sot (e premte 20 janar) është një ditë e rëndësishme për Juventusin. Në fakt, diskutimi për kërkesën e revokimit të dënimit çlirues, të paraqitur nga prokuroria e FIGC në lidhje me rihapjen e çështjes së fitimeve kapitale që përfshin Juventusin dhe të tjerët, filloi në orën 12:50 në Gjykatën Federale të Apelit në seksione të përbashkëta.

Para togave të zeza janë tetë klube; Sampdoria, Empoli, Genoa, Parma, Pisa, Pescara, Pro Vercelli dhe Novara. Në këtë aferë janë përfshirë edhe 52 drejtues apo ish-drejtues, përfshirë Agnelli, Nedved, Arrivabene dhe Cherubini.

Së pari, pra, pranueshmëria e ankesës për revokim do të diskutohet pasi vetë Gjykata Federale kishte liruar klubet dhe menaxherët e përfshirë në maj 2022. Prokuroria federale beson se hetimi nga prokuroria publike e Torinos ka nxjerrë në dritë elementë të rinj dhe nëse kërkesa do të pranohej, prokurori Chiné do të procedonte me kërkesën për sanksione ndaj klubeve dhe individëve në fjalë.

Nëse prokurori federal Chiné ka kërkuar një dënim me zbritjen (heqjen) e 9 pikëve nga renditja për Juventusin, për drejtuesit dhe klubet e tjera të përfshira kërkoi vetëm një gjobë, siç kishte ndodhur në gjyqin e parë për fitimet kapitale.

Në ditët para seancës, Juve shprehte optimizëm: "Ne besojmë se ankesa për revokim do të shpallet e papranueshme ose në çdo rast do të refuzohet".