GREQI – Detaje tronditëse kanë dalë nga vrasja e 50-vjeçarit në Greqi, i cili u gjet i varur në banesën e tij në Moschato të Greqisë.

Mediat greke kanë nxjerrë dy video tronditëse të cilat lidhen me ngjarjen në fjalë dhe që tregojnë momentet e fundit të burrit, të cilat janë filmuar nga 47-vjeçarja që akuzohet se ka marrë pjesë në vdekjen e tij.

Në video dëgjohen kërcënimet e gruas ndaj 50-vjeçarit, ku i thotë “Do të të vras”.

BISEDA MES TYRE:

“Mund të mos kem forcë të vras ​​veten sepse kam mbaruar, por do të të vras ty”, thotë gruaja.

“Kam humbur gjithçka dhe nuk e kam kuptuar si…”, thekson burri.

Më pas gruaja e pyet: “Më trego ku shkuan paratë” dhe më pas e shan.

50- vjeçari i përgjigjet se ka humbur gjithçka dhe më pas i thotë të fshijë videon.

“Nëse nuk më vrisni tani, do të më vrasin në burg,” dëgjohet burri duke thënë.

“Ke mbaruar dhe ke shkatërruar shumë familje. Do të të vras ​​sot”, i thotë 47-vjeçarja.

Në një tjetër moment, burri dëgjohet duke i thënë 47-vjeçares “më vrisni” dhe më pas ajo i thotë “çohu”, ku në duar mban edhe një litar.

Pamjet janë në duart e grupit hetimor duke i ekzaminuar për zbardhjen e plotë të kësaj ngjarjeje.

Bashkëshortja e kontabilistit ishte shqiptare dhe përpara vdekjes së tij, ishte kthyer ne vendin tonë.