Transmetuar më 17-01-2023, 21:29

Kejvina Kthella skualifikohet nga Big Brother. Shkak u bë shpulla që ajo i dha Luiz Ejllit që në primen e kaluar. Komunikimi iu bë Kejvinës që në fillim të Primes së sotme.

Top Channel dhe Big Brother bëri të ditur se distancohet nga çdo dhunë verbale dhe fizike.

Kejvina e pranoi vendimin duke thënë: Në rregull.

Sot në hyrje të spektaklit, Arbana u tha banorëve se një episod dhune që ka ndodhur gjatë spektaklit të kaluar ishte gjëja më e rëndë.

“Ajo që ka ndodhur herën e kaluar ka qenë gjëja më e rëndë që ka ndodhur.

Vëllai i madh ka marrë një vendim që atë natë. Ka marrë kohën për të parë se si secili prej jush ka reaguar pas atij incidenti. U dha mundësinë të organizoni gjyqin tuaj, gjë që ju e keni bërë. Big Brother distancohet nga çdo episod dhune. Ju është tërhequr vëmendja sa herë ka ndodhur. Jeni penalizuar për dhunën psikologjike.” tha Arbana.

Më pas ka komunikuar se Kejvina është e skualifikuar nga gara.