Tiranë- Big Brother VIP Albania 2 ka hyrë në fazë interesante. Tashmë janë përfshirë edhe personazhe që kanë pasur lidhje në rrethana të ndryshme me banorët jashtë shtëpisë.

Këngëtari Butrint Imeri postoi një foto të ish të dashurës së tij, Kiara Tito, e cila është një nga garueset më të përfolura për momentin , në shtëpinë më të famshme në Shqipëri.

Pak orë para spektaklit të sotëm, këngëtari Imeri ka postuar një foto të tijën me mbishkrimin “Qetësia para stuhisë”.

Çfarë po paralajmëron këngëtari? Kujtojmë që pas mesnate ,moderatorja Kiara Tito ka ditën e lindjes, por nuk i dihet nëse ky paralajmërim i Butrinit është një projekt muzikor, apo nëse fsheh ndonjë surprizë për spektalin e sotëm.

Kiara së bashku me garuesin tjetër Luiz Ejlli, që prej nisjes së spektaklit, kanë paraqitur një afeksion ndaj njëri-tjetrit, ku këngëtari ia ka shprehur hapur që në ditët e para simpatinë që ka për të. Moderatorja prej 2 ditësh ka pranuar që ka ndenja për Luiz Ejllin.