Transmetuar më 16-01-2023, 16:19

Një burrë i cili ishte ‘i burgosur’ në trupin e tij për vite të tëra, ndërsa ende dëgjonte, shihte dhe kuptonte gjithçka rreth tij, ka ndarë detaje të kësaj periudhe të jashtëzakonshme.

Martin Pistorius, 47 vjeç sot, u kthye nga shkolla një ditë me një dhimbje të fytit.

Mjekët fillimisht menduan se ai kishte grip dhe iu dha trajtimi i zakonshëm. Në mënyrë tronditëse, gjendja e tij u përkeqësua ngadalë dhe më në fund u shtrua në spital në moshën 12-vjeçare.

Prindërve të Pistoris, Joan dhe Rodney, nuk iu dha një arsye bindëse pse ndodhi.

Ata nuk ishin gati të hiqnin dorë nga ai dhe e mbajtën gjallë në një qendër përkujdesjeje.

Pistorius e përshkruan këtë periudhë të jetës së tij si “një guaskë boshe, që nuk percepton asgjë rreth meje. Unë isha në gjendje të dëgjoja, shihja dhe kuptoja gjithçka rreth meje, por nuk kisha absolutisht asnjë fuqi apo kontroll mbi asgjë.

Për mua, ajo ndjenjë e pafuqisë së plotë është ndoshta ndjenja më e keqe që kam përjetuar ndonjëherë dhe shpresoj se nuk duhet ta përjetoj më kurrë. Është sikur ti nuk ekziston, gjithçka në jetën tënde vendoset nga dikush tjetër.

Gjithçka nga ajo që do të vishni, tek ajo që do të hani dhe pini, edhe nëse hani ose pini, deri te vendi ku do të jeni nesër ose javën tjetër dhe nuk mund të bëni asgjë për këtë.”

Askush nuk e kuptoi se Pistorius kishte rigjetur vetëdijen dhe po merrte veten. Nëna e Pistorius, Joan, thoshte se ajo kishte luftuar të pajtohej me gjendjen e djalit të saj.

Mirëpo, për të mbajtur mendjen e shëndoshë, ai përdori imagjinatën e tij: “Imagjinova të gjitha llojet e gjërave, si të isha shumë i ri dhe të hipja në një anije kozmike dhe të fluturoja larg. Ose që karrigia ime me rrota do të shndërrohej në mënyrë magjike në një mjet fluturues.

Ndonjëherë i shikoja gjërat të lëviznin, pavarësisht nëse ishte lëvizja e dritës së diellit gjatë ditës”.