Greqi- Trazira në burgun e Larisas në Greqi.

Pas një situate rebeluese disa orëshe, ka përfunduar operacioni i policisë në burgjet e Larisës, pasi të burgosurit pas trazirave të pasdites së vonë, së fundmi janë kthyer në qeli, pak pas orës 10.30 të së mërkurës mbrëma.

Në këto momente po bëhet kontrolli i fundit në qelitë e të burgosurve. Skuadrat speciale i bastisën qelitë rreth orës 21:00, pasi që në mesditë rreth 150 të burgosur, kryesisht të huaj, refuzonin të ktheheshin në qeli, duke pasur kërkesa.

Të ndaluar në burgjet e Larisës pas daljes në gjyq pasdite, ata nuk pranuan të ktheheshin në qeli.

Forcat speciale dolën jashtë burgjeve ndërsa përforcime nga Volosi dhe Selaniku mbërritën në Larisa.

Trazirat nisën në orët e para të pasdites kur një grup i vogël të burgosurish të huaj në Repartin 3 refuzuan të ktheheshin në qelitë e tyre. Pastaj pasuan të tjerët.

Informacionet thonë se gjithçka ka nisur me dy të burgosur shqiptarë. Të burgosurit u revoltuan duke ngritur një sërë çështjesh që kërkonin plotësimin e kërkesave të tyre.