Pushimi i parë i gjatë për Francesco Totti dhe Noemi Bocchi. Ndërkohë që Ilary Blasi është me pushime në Tajlandë me partnerin e saj të ri Bastian, ish-kapiteni i Romës, me fëmijët dhe të dashurën e tij kanë fluturuar drejt Miami nga Fiumicino.

Më tej, pas disa ditësh qëndrimi në SHBA, grupi do të zhvendoset në Karaibe dhe do të kthehet në Romë për rreth dhjetë ditë. Pas pushimeve, me fillimin e vitit të ri, Totti dhe Ilary Blasi do të duhet të përballen me ndarjen, por edhe me padinë për çantat dhe orët Rolex.

Avokatët përkatës janë në punë, larg vëmendjes, për të shmangur ndarjen gjyqësore dhe për të arritur një marrëveshje konsensuale. E vështirë, por jo e pamundur.

Bashkëjetesa – Francesco Totti dhe Noemi Bocchi tani janë një familje (e zgjeruar) për të gjitha qëllimet. Çifti sapo ka nisur bashkëjetesën në veri të Romës dhe fëmijët e tyre përkatës nga martesat e para shkojnë shumë mirë. Tani “klani” është pasuruar nga një hyrje e re e ëmbël: Simba.

Siç raporton e përjavshmja “Nuovo”, Noemi është fiksuar jashtë një klinike veterinare. 34-vjeçarja mori së fundi një qen bulldog të vogël francez nga ish-kapiteni verdhekuq. Katërkëmbëshi është i ngjashëm me atë që Totti dhe Noemi i dhanë një muaj më parë Cristian, djalit të madh të Francesco dhe Ilary Blasi, për ditëlindjen e tij, dhe që djali e quajti Tyson.

Siç bën të ditur revista, Francesco Totti nuk ka kursyer asnjë shpenzim për ta bërë të lumtur Noemi Bocchi-n e tij, gruan që i riktheu buzëqeshjen pas përfundimit të trazuar të martesës me Ilary Blasi. Në përgjithësi, një bulldog francez, nëse vjen nga ferma të certifikuara dhe ka një origjinë, mund të kushtojë deri në 3 mijë euro.

Dashuria për kafshët është një nga gjërat e shumta që kanë të përbashkët Totti dhe Noemi, së bashku me pasionin për Romën dhe padelin. Për disenjatoren e luleve, kjo është një dhuratë e re nga Totti, pas unazës së çmuar që ajo tregoi me rastin e tapetit të parë të kuq në Dubai. Një diamant në zemër të unazës me vlerë 300 mijë euro.