Transmetuar më 29-12-2022, 19:46

Investimi i fundit i spektrit në ankandin e sotëm, pajis ONE Montenegro për të ofruar rrjet celular 5G me kapacitet të lartë në të ardhmen

ONE Montengegro fitoi burime ideale për zbatimin e rrjetit celular 5G me performancë dhe kapacitet të lartë. Pas ankandit të spektrit të organizuar nga Agjencia e Komunikimeve Elektronike dhe Shërbimeve Postare në Mal të Zi, frekuencat e radios u blenë nga One në brezat 700 MHz dhe 3600 MHz për një periudhë 15 vjeçare.

Një burim i rëndësishëm për zhvillimin e mëtejshëm strategjik të kompanisë është siguruar për afro tre milionë euro.

Me frekuencat tashmë ekzistuese dhe të fituara rishtazi, One mund të kaloje në shpejtësi gigabit në të gjithë vendin.

“Marrja e licencave të spektrit 5G në Mal të Zi është një tjetër hap i rëndësishëm drejt investimeve të mëtejshme në infrastrukturë dhe teknologjinë e ardhshme në rajon. Ne jemi të përkushtuar për zhvillimin e rrjetit 5G në Malin e Zi dhe rajonin e Ballkanit Perëndimor.” – tha Péter Fekete, CEO i Grupit të 4iG.

ONE Montenegro kishte qenë operatori i vetëm në vitin 2021 që investonte në brezin TDD 2600 MHz, i cili është gjithashtu i orientuar drejt 5G.

Tani One ka përvetësuar me sukses 2×10 MHz në brezin 700 MHz, i cili është menduar kryesisht për mbulim më të mirë gjeografik dhe 120 MHz në spektrin 3600 MHz, i cili ofron kapacitete të mëdha të trafikut të të dhënave.

Në ditët në vijim One do t’i lëshojë kërkesë EKIP-it për 20 MHz shtesë në brezin 3600 MHz në të cilin kompania ka të drejtë unike për shkak të pozicionit të spektrit që sigurohet gjithashtu përmes procesit të Ankandit.

Kombinimi i burimeve të spektrit të orientuar nga 5G, të blera vitin e kaluar dhe sot, siguron një rrjet One të aftë për të përmbushur edhe pritjet më të larta të përdoruesve për sa i përket shpejtësisë dhe sasisë së transferimit të të dhënave.

“Pas investimit në licencat e spektrit dhe përfundimit të zhvillimeve tona, ne mund të ofrojmë plane cilësore 5G për konsumatorët, administratën dhe bizneset. Ne vazhdojmë të përpiqemi të përshpejtojmë transformimin dixhital, të zhvillojmë një nivel më të lartë të zgjidhjeve inteligjente, duke fuqizuar përfundimisht një kapitull të ri të dixhitalizimit në Mal të Zi” – tha CEO i One, Branko Mitrović.

One Montenegro është pjesë e 4iG, i njëjti grup hungarez që ka në pronësi One Telecommunications dhe Albtelecom.

Me blerjen e fundit të spektrit ONE vazhdon me planin për të mbuluar në mënyrë proaktive të gjithë vendin me rrjet 5G me kapacitet të lartë të fokusuar në qytete dhe destinacione turistike.

Përdoruesit mund të përjetojnë shpejtësi më të lartë, vonesë më të ulët dhe kapacitet më të madh gjatë përdorimit të 5G, dhe një numër zgjidhjesh inteligjente dhe aplikacione të industrisë do të jenë të realizueshme për vendin.

Në fillim të këtij viti ONE lançoi rrjetin komercial 5G për të gjithë përdoruesit e tij në Podgoricë, Tivat, Bijelo Polje, Cetinje dhe Nikshiq. Ndërsa ofron një rrjet 5G me kapacitet shumë të lartë, veçanërisht duke u fokusuar në zonat turistike, ONE do të jetë në avangardë të përgatitjes për rritjen eksponenciale të trafikut roaming të të dhënave për shkak të nismës së roamingut në Ballkanin Perëndimor.

ONE si markë është prezantuar në Mal të Zi që nga marsi i vitit 2022. Më parë kompania njihej si operatori celular lider në treg në Mal të Zi, Telenor Montenegro.

Kompania pati shitje prej 44 milionë euro në vitin 2020 që shkuan së bashku me 413,000 abonentë, duke e bërë atë operatorin numër një celular në Mal të Zi.

One ka infrastrukturën e brendshme të rëndësishme, duke ofruar shërbime celulare me cilësi të lartë me 436 stacione bazë të brendshme. Të ardhurat kryesore të kompanisë – rreth 67% – gjenerohen nga abonentët rezidencialë dhe të biznesit. Kompania ka një mbulim 4G të bazuar në popullsi mbi 98%.

Në vitin 2020 dhe 2021 kompania fitoi çmimin "BEST IN TEST" për matjen e saj të pavarur dhe krahasuese të cilësisë së rrjeteve celulare në Mal të Zi, të kryer nga UMLAUT, një kompani ndërkombëtare konsulence teknologjike dhe krahasimi.

One u bë operatori celular më i mirë për sa i përket performancës së përgjithshme dhe mbulimit të internetit celular.