Lionel Messi është bërë, nëse nuk ishte tashmë, një idhull i popullit argjentinas dhe më gjerë. Triumfi i Argjentinës së tij në Botërorin e Katarit e ka shenjtëruar më në fund edhe me fanellën e kombëtares së tij.

Dhe tani, përveç festimeve klasike, do të ketë një mënyrë për të kujtuar kryeveprën e tij në një mënyrë shumë të veçantë. Siç raportohet nga “Olé” dhe media të tjera ndërkombëtare si “RMC Sport”, dhoma ku shtatë herë fituesi i “Topit të Artë” qëndroi gjatë eksperiencës së kampionatit botëror do të shndërrohet në një muze.

Suksesi i Argjentinës në Kupën e Botës në Katar ishte kapitulli i fundit në rrugëtimin e madh të Messit me ekipin kombëtar. Pas Kupës së Amerikës dhe “Finalisimma”, ja dhe triumfi në Botëror, që i mungonte.

Një triumf historik që do të sjellë me vete edhe një veçori tjetër. Dhoma ku pushoi argjentinasi do të ngrihet si një muze kushtuar atij. Vendi ku ka fjetur dhe pushuar shtatë herë fituesi i “Topit të Artë” do të jetë simbol i “pushimit të kampionit” dhe besohet se kjo do të zgjojë interesin dhe kureshtjen e madhe të të gjithë të apasionuarve të futbollit, argjentinas dhe jo të tillë.

La habitación en la que estaba alojado Leo Messi en la universidad de Qatar durante el mundial se convertirá en un pequeño museo. 👌👌👌🇦🇷 pic.twitter.com/0mpgZnIMUX

— Achraf Ben Ayad (@Benayadachraf) December 27, 2022