Ndërsa viti po mbyllet, është koha për të folur për parashikimet e fundit të botës, por askush mos marrë me zymtësi gjërat, ashtu siç ka bërë Nostradamus.

Nostradamus ishte një astrolog i shekullit të 16-të, mjek kundër murtajës, i akuzuar si heretik dhe ka parashikuar Zjarrin e Madh të Londrës, ardhjen në pushtet të Hitlerit, sulmet e 11 shtatorit 2001 dhe Pandeminë COVID-19, për të përmendur disa prej tyre.

Përgjithësisht ai bën parashikime të zymta. Botëkuptimi i zymtë i Nostradamusit besohet se është formuar nga doza të rënda të Dhiatës së Vjetër dhe nga trauma e humbjes së gruas dhe fëmijëve të tij të vegjël nga sëmundja, me sa duket nga murtaja. Në pamundësi për të kuruar ata që donte më shumë, duket se ai u përpoq të paralajmëronte ne të tjerët përmes zbulimeve të tij të pretenduara.

Kush është Nostradamus?

Nostradamus bën llogaritë dhe parashikon mënyra për të paralajmëruar brezat e ardhshëm.Foto Arkivi Bettmann

Me botimin e librit të tij të famshëm “Les Proféties” në 1555, Nostradamusi i dhuroi botës dhe brezave të saj të ardhshëm një vëllim që parashikon luftëra, murtajë, fatkeqësi natyrore, trazira civile, vrasje politike dhe gjëra të tjera të tilla. Me një gjuhë të rëndë si "shiu i gjakut", libri është një klasik i qëndrueshëm dhe me vitin 2K23 (2023) në horizont, ne po hedhim një vështrim se çfarë ai pretendon se do të ndodhë.

Pallati Buckingham në flakë

Nostradamus sugjeron se 2K23 do të shohë "zjarr qiellor në ndërtesën mbretërore". Marrë fjalë për fjalë, kjo mund të nënkuptojë se një meteor po shkon drejt e tek Buckingham Palace, duke djegur shtëpinëe famshme.

Në një mundësi më metaforike, Princi Harry dhe Meghan Markle, të cilët kohët e fundit publikuan një serial "bombë" në Netflix që përshkruan në detaje veprat e errëta të kryera kundër tyre nga kurora, kanë marrë Pallatin në shënjestër me një lloj tjetër fuqie zjarri, duke ndezur dhe shkatërruar reputacionin e familjes mbretërore.

Lufta e Tretë Botërore

Nostradamus shkruan se 2K23 do ta gjejë botën të përfshirë në, "Shtatë muaj luftë të madhe, njerëz të vdekur nga e keqja". Kjo mund të gjejë baza, ndonëse pak me vonesë për konfliktin shkatërrues në Ukrainë, i cili deri më tani është shënuar nga krime lufte dhe një numër i madh i vdekjeve të civilëve. Për sa i përket "të keqes" që Nostradamus fajëson, nxitjes së urrejtjes, vdekjes, Vladimir Putin është shumë afër personifikimit të kësaj të keqeje.

Nostradamus sugjeron se konflikti do të përshkallëzohet në një luftë botërore në shkallë të plotë vitin e ardhshëm, e cila, duke pasur parasysh arsenalet bërthamore në rrezik, mund të barazohet me nivele apokaliptike të shkatërrimit. /noa.al

Shënim: Ky material u përkthye nga New York Post. Redaksia nuk nxit kurrë marrjen të mirëqenë të parashikimeve astrologjike si në rastin e mësipërm.