Ndarja e diskutueshme mes Wanda Narës dhe Mauro Icardit nuk ndalet së na dhëni tituj bombastikë. Mirëpo, duket se argjentinasja së bashku me avokaten e saj Ana Rosenfeld tashmë janë duke hartuar letrat, që do t’i japin fund martesës 8-vjeçare.

Në këtë mënyrë portali “Ciudad Magazine” ka zbuluar shifrën e tepruar që Wanda Nara mund të fusë në xhep pas ndarjes me futbollistin e Galatasaray. Sipas medias së sipërpërmendur, biznesmenja mund të marrë gjysmën e 100 milionë dollarëve të çiftit në total, ku do të përfshiheshin pasuri të paluajtshme, mallra dhe sende luksi.

Gjithashtu, gazetarja Estefi Berardi ka siguruar se Wanda Nara synon të marrë gjysmën e aseteve të përbashkëta, duke përfshirë të ardhurat e Icardit gjatë gjithë karrierës së tij.

Megjithatë, edhe pse 100 milionë dollarët janë gjendje për momentin, në llogarinë e ftit, Wanda kërkon edhe më tepër. Sipas gazetares Berardi, ajo synon të marrë edhe 20% të fitimeve të Icardit në vazhdim si futbollist, duke qenë se ka kontratë si menaxharja e tij. Ajo ka pranuar para rrethit të saj më të ngushtë: “Po vrasim veten për ato 20 milionë dollarë”.

Nuk është e vetmja luftë që ata kanë në pritje, pasi do të duhet të negociojnë edhe kujdestarinë e dy vajzave që kanë bashkë, Francesca dhe Isabella Icardi. Edhe pse ende nuk dihen detaje për këtë çështje, pritet që të jetë nëna, ajo që do të qëndrojë pranë tyre.