Jo vetëm Messi (tashmë i konfirmuar) dhe Cristiano Ronaldo (gjithçka duhet parë), “Katar 2022” duhet të jetë gjithashtu Botërori i fundit për Neymar. Braziliani shpjegoi pak muaj më parë se nuk e sheh veten në fushë me Brazilin deri në edicionin e ardhshëm, i cili në vitin 2026 do të mbahet në Shtetet e Bashkuara, Meksikë dhe Kanada.

Kështu është koha për të shkëlqyer, sepse në dy rastet e tjera në të cilat “O Ney” u përball me Kupën e Botës nuk shkoi shumë mirë. Në edicionin vendas dëmtimi i shpinës erdhi pas ndërhyrjes së Zuniga, e cila shkatërroi moralin e “Selecao” deri në atë pikë sa i lejoi të shënonte shtatë gola Gjermanisë në gjysmëfinale. Dhe në vitin 2018 pati vetëm polemika për simulimet e tij…

Gjashtë yje – Pra, nëse Neymar vërtet dëshiron të lërë gjurmë në historinë e Botërorit, ka vetëm një mënyrë për ta bërë këtë: të fitojë Brazili yllin e tij të gjashtë. Dhe ndoshta pikërisht për këtë arsye sulmuesi i PSG ka vazhduar punën. Siç tregohet nga “Bild”, Neymar ekspozoi pantallonat e shkurtra të uniformës së tij të stërvitjes me një shtesë të dyshimtë…

Gjashtë yje, me një “emoji” në formë ylli të shtuar mbi pesë Kupat e Botës të fituara nga ekipi i tij kombëtar (1958, 1962, 1970, 1994 dhe 2002). Një zgjedhje që tregon njëfarë vetëbesimi, por që gazeta gjermane e cilësoi menjëherë si “arrogante”. Dhe çfarë mendojnë bashkëlojtarët e tij? A janë të lumtur apo të mërzitur?

Neymar ya se agregó la 6ta estrella al escudo. Qué cosita hermosa son los brasileños. pic.twitter.com/b40PevuGBX

— Luciano (@luciano_s7) November 19, 2022

Siç shpjegohet nga “The Sun”, Richarlison mendoi menjëherë të përgjigjej. Sulmuesi i Tottenham, i shtypur nga reagimi i gjermanëve ndaj fotos së Neymar, kundërsulmoi në mënyrë jo të kursyer: "Ata janë arrogantët, ne jemi thjesht ëndërrimtarë. Ne e ëndërrojmë këtë yllin e gjashtë dhe do ta marrim, duan apo nuk duan ata".

Për të shtuar më pas: "Ai gazetari që e ka shkruar është gomar". Me pak fjalë, mes Brazilit dhe Gjermanisë që ende duhet të hyjnë në fushë për këtë Kupë Bote, situata tashmë është mjaft e tensionuar.

Në fund të fundit, “Mannschaft” përfaqëson për “Selecao” një nga plagët më të rënda në historinë e vet, atë “Mineirazos” që për dhimbjen e shkaktuar vjen i dyti vetëm pas “Maracanazos” së vitit 1950. Dhe kushedi nëse dy skuadrat nuk takohen më në fazën e eliminimit direklt të “Katar 2022”.