Mbrëmjen e së hënës, kombëtarja portugeze ka postuar një video në rrjetet sociale, ku lojtarët kanë për detyrë të vizatojnë njëri-tjetrin. Joao Felix u bë “hor” nga Ruben Dias, ndërsa mbrojtësi i Manchester United, Diego Dalot tregoi se nuk është më i miri i piktorëve.

Megjithatë, momenti më qesharak erdhi kur Ronaldo u ngarkua me vizatimin e qendërmbrojtësit Pepe. 37-vjeçari po qeshte në mënyrë të pakontrolluar kur i tregonte bashkëlojtarit veteran vizatimin e tij.

Pepe më pas ktheu përpjekjen e tij për të vizatuar fytyrën e Ronaldos, ndërsa mbrojtësi qëllimisht pikturoi një mollë të ekzagjeruar të Adamit mbi Ronaldon.

Cristiano Ronaldo’s drawing of Pepe 🤣pic.twitter.com/M2HX2SSBnC

— SPORTbible (@sportbible) November 21, 2022

Para kësaj Kupe Bote, Ronaldo ka qenë në të gjitha titujt kryesorë të mediave, pasi dha një intervistë shpërthyese me Piers Morgan, e cila u publikua javën e kaluar.

Gjatë intervistës, Ronaldo i sulmoi të gjithë te Manchester United; ish-trajnerin Ralf Rangnick, trajnerin aktual Erik ten Hag dhe ish-shokët e skuadrës si Wayne Rooney apo Gary Neville.

Duke folur përpara turneut, Ronaldo tha se nuk i vjen keq për kohën e intervistës: “Në jetën time, koha më e mirë është gjithmonë koha ime. Nuk shqetësohem për atë që mendojnë të tjerët. Unë flas kur dua. Lojtarët më njohin shumë mirë për shumë vite dhe e dinë llojin e personit që jam.

Në kombëtare kemi një grup lojtarësh ambiciozë, të uritur dhe të fokusuar. Pra, jam i sigurt se nuk do të lëkundet përqendrimi dhe fokusi në dhomën e zhveshjes”.

Os 𝗔𝗿𝘁𝗶𝘀𝘁𝗮𝘀 𝗱𝗼 𝗠𝘂𝗻𝗱𝗶𝗮𝗹 chegaram! 👤👨‍🎨🇵🇹 Vê os desenhos que a Seleção fez para oferecer instituições de cariz social 💯🖍 #VesteABandeira #WearTheFlag pic.twitter.com/xkhiCS0uCP

— Portugal (@selecaoportugal) November 21, 2022

Pasi humbi ndeshjen miqësore të Portugalisë para turneut, Ronaldo këmbëngul se është gati të luajë: “Ndihem mirë. Kam pasur një problem të vogël, por tashmë jam shëruar.

Ne kemi bërë stërvitje të mira dhe ndihem i përgatitur për të filluar Kupën e Botës në mënyrën më të mirë. Besoj se kemi potencial të madh. Unë besoj se mund të fitojmë dhe e kam atë ndjenjë, por duhet ta nisim mirë me Ganën, që është më e vështira”.

Portugalia do të nisë fushatën e saj në Kupën e Botës kundër Ganës të enjten, përpara se të përballet me Uruguajin dhe Korenë e Jugut.