Astronautët e “Shenzhou-14” nisën veprimtaritë e tyre të treta jashtë stacionit hapësinor kinez të enjten, sipas Agjencisë së Fluturimeve Hapësinore me Astronautë të Kinës.

Tajkonautët – siç quhen ndryshe astronautët kinezë – Chen Dong dhe Cai Xuzhe dolën nga kabina, ndërsa Liu Yang qëndroi brenda kabinës për mbështetje.

Veprimtaritë jashtë stacionit hapësinor pritet të zgjasin 6.5 orë.

Gjatë tyre, dy tajkonautët jashtë kabinës do të punojnë së bashku për të kryer detyra si instalimi i pajisjes së lidhjes midis moduleve dhe ngritja e kamerës panoramike të modulit laboratorik “Wentian”.

Ky është raundi i shtatë i veprimtarive jashtë stacionit hapësiror të Kinës.

Taikonautët e “Shenzhou-14” i përfunduan me sukses dy ecjet e tyre të para në hapësirë në shtator, të dyja nga kabina e presionit të ajrit e modulit laboratorik “Wentian”.

Ecja e parë zgjati rreth shtatë orë, ndërsa e dyta rreth pesë orë.

Tre anëtarët e ekiupazhit të “Shenzhou-14” u dërguan në hapësirë në qershor në një mision rekord prej gjashtë muajsh.

Siç është planifikuar, ekuipazhi i “Shenzhou-14” do të presë ardhjen e anijes kozmike “Shenzhou-15” në stacionin hapësinor këtë muaj.

Anëtarët e “Shenzhou-15” do të bashkohen me taikonautët e “Shenzhou-14” për ndërrimin e parë të ekuipazhit të stacionit hapësinor.