Në një pjesë të re nga intervista që Jorge Valdano i bën Leo Messit në programin e tij “Universo Valdano”, e cila mund të shihet të hënën në orën 22:00 në “Vamos”, sulmuesi argjentinas flet për marrëdhënien e tij me Luis Enrique, trajnerin me të cilin fitoi tripletën dhe të fundit Ligë Kampionësh më 2015.

"Kam pasur një marrëdhënie të veçantë me të. Ne i thamë të qëndronte, – saktëson Messi. – Kishim pasur një debat përpara vizitës së famshme të Barçës në fushën e Real Sociedad, në ndeshjen e parë të vitit 2015.

U ktheva nga Argjentina pas pushimeve dhe luajtëm më 2 ose 3 janar, nuk më kujtohet saktësisht. Përfundova në pankinë dhe u irritova pak, por më pas kishim një marrëdhënie spektakolare deri në ditën e fundit, kur ai vendosi të largohej. Ne i thamë të rrinte, mos të ikte se ishim mirë”.

Ylli argjentinas “ngre në qiell” një nga trajnerët e tij të shumtë te Barcelona, duke bërë edhe shaka: “Pep Guardiola bëri shumë dëm futbollit, sepse ajo që bëmë dukej kaq e thjeshtë sa të gjithë donin ta kopjonin.

Pas asaj faze e kam gjetur shumë Guardiolën atje në taktika dhe më pas e kuptoni se çfarë bëmë. Pa dyshim, Pep ka diçka të veçantë për t’u përgatitur për ndeshjet, për t’i lexuar ato, për t’i përgatitur dhe për të komunikuar me lojtarët”.