Selanik- Detaje të reja mësohen nga vdekja e shqiptarit Ylli Mera në mal në një fshat në Selanik.

Pritet sot vendimi i prokurorit publik për të ngritur akuzën ndaj 59-vjeçarit grek, i cili është arrestuar në lidhje me plagosjen për vdekje të emigrantit shqiptar. Ylli Mera u gjet i vdekur në malet Kerdylia, pranë Arethousa, Selanik.

Trupi i tij u gjet pasditen e së dielës, në një zonë të masivit malor, nga efektivët e policisë që ishin në kërkim të tij, pas aktivizimit të shërbimit të “Signal Alert”.

Siç u bë e ditur, të martën e kaluar burri kishte shkuar në këtë zonë me një 59-vjeçar që banonte në të njëjtin fshat, për të vazhduar me prerjet e paligjshme të pyjeve. 51-vjeçari dyshohet se punonte për të pandehurin dhe kishin vizituar së bashku vendin e caktuar në raste të tjera për të njëjtën arsye. Dy burrat mund të kenë arritur së bashku në zonën e vështirë, por 59-vjeçari është larguar vetëm dhe pak ditë më pas viktima është gjetur i plagosur dhe pa ndjenja në pyllin e dendur.

Ky fakt në mënyrë të arsyeshme ngre shumë pikëpyetje lidhur me të. Departamenti i Krimeve Kundër Jetës në Drejtorinë e Sigurimit të Selanikut, po heton për zbardhjen e çështjes dhe për të konstatuar se çfarë ndodhi në të vërtetë në mal dhe se burri përfundoi i vdekur. Sipas informacioneve, një nga skenarët e konsideruar nga policia është fakti se 59-vjeçari është vetëplagosur me sharrë elektrike dhe më pas e ka hedhur në drejtim të viktimës, duke e plagosur për vdekje në kofshë.

Një element i rëndësishëm që doli nga hetimi policor për çështjen, e cila është në dorën e organeve të drejtësisë, është se 59-vjeçari që u vetëplagos me sharrë elektrike, jo vetëm u largua me djalin e tij për t’u dërguar në një qendër shëndetësore, por i ka marrë edhe celularin viktimës dhe e ka hedhur rrugës. Gjithashtu, për gjashtë ditë të tëra i pandehuri nuk ka njoftuar askënd për plagosjen e 51-vjeçarit, për të cilin ndoshta ka pasur dijeni, madje edhe kur është shpallur zyrtarisht i zhdukur.

Sipas banorëve të fshatit të vogël Limni, ku viktima jetonte prej dekadash, 51-vjeçari kishte shumë pak të afërm në Greqi dhe kishte marrëdhënie shumë të mira me 59-vjeçarin, pasi nuk ishte hera e parë që ata bashkëpunuan në operacionet e prerjeve të paligjshme të pyjeve.

Në kontrollet e kryera nga policia në shtëpinë e 59-vjeçarit dhe në automjetin e djalit të tij 28-vjeçar, u gjetën gjithsej pesë thika gjuetie, ndaj të dy personat u arrestuan për armëmbajtje pa leje. Dy të arrestuarit u dërguan në Prokurorinë e Shkallës së Parë Selanik.

Çfarë tha vëllai i viktimës “Vëllai im u gjet i vdekur në mal. Ai kishte shkuar atje me një grek, ndoshta për të prerë dru. Ende nuk e dimë se çfarë ka ndodhur, por dëgjuam se i është prerë këmba, nga një sharrë elektrike me zinxhir”, tha vëllai i 51-vjeçarit shqiptar, i cili kishte denoncuar zhdukjen e tij në polici më 4 nëntor. “Po punonin me njeriun që e çoi në mal, por nuk di asgjë më shumë. Në Greqi jam vetëm unë, më vjen shumë keq për këtë ngjarje tragjike që ka ndodhur në familjen tonë. Presim të mësojmë më shumë nga policia e cila po vijon hetimet”, theksoi ai.

Ata dilnin shpesh bashkë në mal. I gjithë fshati ku jetonte 51-vjeçari fatkeq është tronditur nga ngjarja tragjike. “Nuk kishte njeri më të mirë. Ai kishte vite që jetonte këtu dhe nuk kishte dhënë as të drejtën më të vogël askund për t’i bërë keq. Dëgjuam se Kosta (siç e thërrisnin në Greqi) kishte shkuar në mal dhe kishte vdekur. Kishte shkuar disa herë për punë, për të prerë dru. Dy burrat kishin shkuar shumë herë bashkë“, ka raportuar për protothema.gr, Giorgos Tsakalides, një banor i fshatit që i njihte të dy burrat prej shumë vitesh. “Policia e gjeti në mal.”, ka theksuar ai.