“Mezi pres të qëlloj veten shtatë herë në testikuj”. Ky është postimi i fundit befasues i Iker Casillas në profilin e tij në Twitter.

Ish-legjenda e futbollit spanjoll e postoi këtë frazë të koduar në Twitter në orën 2 të mëngjesit të sotëm, pak orë pas humbjes së parë të sezonit të Real Madridit në Leipzig në Ligën e Kampionëve.

Në pak më pak se 30 minuta, mesazhi u bë “viral” në rrjetet sociale me 7000 pëlqime, mbi 1400 ‘retweet’ dhe një mori reagimesh.

Shumë nga ndjekësit e tij ishin dyshues kur lexuan ‘tweet’-in, ndërsa shumë të tjerë theksuan se mund të ishte një përpjekje e re për t’i hakuar profilin ish-portierit të njohur, siç ndodhi disa javë më parë.

Një përdorues shpjegoi kuptimin e postimit befasues të publikuar nga ish-portieri i Real Madridit. Sipas tij, Casillas dyshohet se ka kopjuar një postim të një transmetuesi të famshëm iberik, Ibai Llanos, në lidhje me klubin kampion evropian në fuqi.

Në orën 21:25 të mbrëmjes së kaluar, transmetuesi Llanos publikoi një ‘tweet’ si ai i ripropozuar më pas natën nga Casillas për të shprehur gjithë zemërimin pas golit të Nkunku, që e çoi Leipzigun në 2-0 momentalisht.

Më pas ndeshja përfundoi me suksesin 3-2 të gjermanëve, por shpërthimi i Casillas, i hutuar nga disfata e Real Madridit ‘të tij’ në tokën teutonike, sigurisht që nuk kaloi pa u vënë re.