![](https://noa.al/newsImages/2021/04/1605795031_kapshtica.jpg)
Kapshticë- Punonjës policie, doganierë dhe disa shtetas grekë janë arrestuar në doganën greke të Krystallopigjisë (Kapshticë), pas një vëzhgimi disaditor, nga Drejtoria e Punëve të Brendshme të Policisë së Greqisë së Veriut.
Operacioni është zhvilluar mëngjesin e së hënës dhe sipas informacioneve janë sekuestruar para dhe pasaporta false. Policia e Punëve të Brendshme ka marrë një denoncim dhe prej andej ka nisur hetimi, në kuadër të të cilit janë monitoruar telefonat e të përfshirëve, nga të cilët janë regjistruar biseda inkriminuese.
Flitet për 14 arrestime që u kryen me akuzën për veprën penale të pjesëmarrjes në organizatë kriminale, falsifikimeve dhe veprave të tjera penale.
Në këtë moment po kryhen kontrolle në disa shtëpi në qytetin e Follorinës për mbledhjen e provave shtesë.Lajmin e ka transmetuar ekskluzivisht televizioni publik ERT.
Bashkohu me kanalin e NOA WhatsApp për lajmet më të fundit direkt në celularin tënd