Kylian Mbappé dëshiron të largohet nga Paris Saint-Germain në janar. Lajmi i publikuar nga MARCA shkaktoi një tërmet në botën e futbollit, që tashmë pyet se ku do të përfundojë ylli francez.

Dy destinacione shfaqen në horizont për kampionin e botës më 2018: Real Madrid, të cilin e refuzoi në maj për të rinovuar deri në vitin 2025 me klubin francez, dhe Liverpool-i që e donte dhe nuk mundi ta merrte, pavarësisht se atëherë PSG nuk e pa atë opsion me sy të keq. Tani, asgjë nuk është e pamundur.

Në maj, kur e ardhmja e Mbappé po kthehej drejt "Santiago Bernabeu", trajneri gjerman foli për francezin: "Sigurisht që jemi të interesuar. Na pëlqen Kylian, nuk jemi të verbër. Sidoqoftë, nuk do të nënshkruajmë me të, nuk jemi pjesë në këtë betejë".

“Reds” u përpoqën, por nuk mundën, siç thanë francezët për MARCA. "Kam folur me Liverpool-in, sepse e kuqja është ngjyra e preferuar e nënës sime. Mamaja ime e do Liverpool-in. Pse? Nuk e di, pyesni atë (qesh). Ne i takuam ata disa vite më parë, kur isha te Monaco, është një klub i madh. Edhe tani flasim me ta, por jo shumë. Në fund isha mes Real Madridit dhe PSG-së”, – ka rrëfyer Mbappé.

Të vetmen herë që vizitoi Merseyside (faza e grupeve të Champions League 2018-2019), Kylian shënoi, bisedoi dhe përqafoi Klopp…, por skuadra e tij humbi (3-2). Historia e tij në "Anfield" mund të ketë një kapitull tjetër.

Liverpool është në momentin më të keq të epokës së Klopp. "Reds", kurrë nuk e kishin nisur kaq keq në Premier League me gjermanin në stol. Një krizë e shkaktuar nga dëmtimet dhe performanca e dobët e lojtarëve kryesorë të saj.

Pasi Mané u largua për te Bayerni, Salah mezi ka shënuar dy gola në kampionat dhe Jota, i rikuperuar, ende asnjë. Luis Díaz (3 gola) është dëmtuar rëndë dhe nuk do të luajë deri në vitin 2023. Darwin Núñez ende nuk është në lartësinë e pritshmërive.

Uruguajani me numrin 9, blerja e dytë më e shtrenjtë në historinë e të kuqve (75 milionë) është në proces përshtatjeje dhe mezi ka shënuar dy gola në Premier League. Firmino, i cili e nisi si opsioni i parafundit në sulm, është ai që po performon më mirë (6 gola). Mbappé do të ishte një "grusht shteti" i nevojshëm për ta kthyer situatën. Ylli francez mund të ringjallte çdo ekip.