Itali- Shembet një mbikalim në rrugët e Italisë.

Rasti ndodhi në Novara, një pjesë e mbikalimit XXV Aprile, që lidh qendrën e qytetit me rrugën shtetërore për në Milano, u shemb rreth orës 7:30 të mëngjesit.

Një humnerë e madhe është hapur në korsinë e majtë në dalje.

Një makinë përfundoi e përmbysur. Shoferi nuk pati lëndime serioze, por vetëm disa mavijosje.

Në vendngjarje kanë mbërritur forcat e karabinierëve dhe zjarrfikësve të cilët kanë ndërhyrë për sigurimin e zonës.