Maxi Lopez ishte ndër protagonistët e episodit të dytë të "Emigratis", të transmetuar në “Canale 5”. Ish-futbollisti u kontaktua nga Pio dhe Amedeo në Londër, së bashku me të dashurën e tij, modelen Daniela Christiansson.

Modelja është shtatzënë, ish-futbollisti do të bëhet baba për herë të katërt. Pio dhe Amedeo e kthyen Maxi Lopez në periudhën në të cilën Mauro Icardi dhe Wanda Nara u bashkuan.

"Ti nuk i bën ato gjëra. Është faji i saj apo i tij?" – u pyet ish-futbollisti argjentinas për tradhtinë e ish-gruas, që la atë dhe u martua me ish-kapitenin e Interit. “I të dyve”, – u përgjigj Max.

Më pas, duke iu referuar partneres së re, krahasuar me ish-gruan (Wanda Nara), ish-sulmuesi bëri një krahasim të keq, duke treguar me gisht një makinë të vjetër: “Më përpara drejtoja atë, tani ngas një Ferrari”.

Dy aktorët e humorit këmbëngulën: "Bëre mirë, ndryshe e di sa para shpenzonte ajo?" Maxi Lopez vetëm qeshi. Mes tij dhe Wanda ka një marrëdhënie të re pa armiqësi, por kushedi se çfarë do të thotë sipërmarrësja për këtë intervistë.