Presidenti i SHBA, Joe Biden, ka prodhuar edhe një herë në një moment shumë kurioz, por në këtë rast disi fatkeq, pasi bëhet fjalë për një person të vdekur. Në një konferencë, kreu i 46-të i shtetit amerikan u hutua dhe pyeti për ligjvënësen e Indianës, Jackie Walorski, e cila vdiq më 3 gusht në një aksident automobilistik.

Për t’i bërë gjërat edhe më keq, gabimi ka ndodhur në një konferencë mbi urinë, për të cilën e ndjera ndihmoi në organizim. Biden falënderoi, përveç republikanes së ndjerë, grupin dypartiak të ligjvënësve që motivuan Shtëpinë e Bardhë për të organizuar ngjarjen, duke përfshirë senatorin demokrat nga Nju Xhersi, Cory Booker; përfaqësuesin demokrat nga Massachusetts, Jim McGovern dhe republikanin e Indianës, senatorin Mike Braun.

Gafa ka ndodhur në momentin kur presidenti Biden po iu drejtohej të gjithë të përmendurve për t’i falënderuar. Në atë moment, ai bëri lapsusin në fjalë dhe pyeti "Jackie, ku është Jackie?", sikur ligjvënësja të ishte gjallë. Diçka që i ka lënë pa fjalë të gjithë të pranishmit dhe që shërben për të rritur numrin e gafave të presidentit 79-vjeçar.

"Jackie, where's Jackie?," Joe Biden says about Rep. Jackie Walorski who died in a car accident a few months ago. pic.twitter.com/khdiesmEsx

— Greg Price (@greg_price11) September 28, 2022