Sulmuesi i Paris Saint-Germain, Neymar, ka shprehur admirimin e tij për nënshkrimin e verës të parizienëve, Renato Sanches. Duke folur për DAZN, brazilianit iu kërkua të shikonte mbrapa dhe të zgjidhte një lojtar që e admiron më shumë.

Ndërkombëtari brazilian tha: “Një lojtar që është me ne tani: Renato Sanches. Ai është shumë i ndryshëm si lojtar. Jemi me fat që e kemi me vete tani këtu, kështu që jemi më të fortë tani”.

Po në këtë intervistë speciale me DAZN, Neymar përshkroi pesë nga superyjet më të mëdhenj të futbollit botëror, duke përdorur vetëm nga një fjalë për secilin.

Harry Kane: "Inteligjent".

Karim Benzema: “Klasik”.

Lionel Messi: “Gjeni”.

Cristiano Ronaldo: “Gjeni”.

Luis Suarez: "Gjeni".

Ja si i përshkroi Neymar pesë yjet e ardhshëm të futbollit:

Jude Bellingham: “I fortë… Cilësi”.

Pedri: “Më pëlqen…, klasik. Ai më kujton Iniesta”.

Nuno Mendes: “Kam shumë gjëra që mund të them për Nuno! Forcë".

Jamal Musiala: "Cilësi".

Eduardo Camavinga: “I fortë… Cilësor”.

Neymar shtoi: “Ata janë të gjithë cilësorë, të fortë, të shpejtë dhe të talentuar. Cilësia është një përzierje e të gjithave”.

Neymar-it më pas iu kërkua të jepte mendimet e tij për pesë nga mbrojtësit më të mirë në botë. Kësaj here ai hyri në pak më shumë detaje.

Virgil van Dijk: “Të luash kundër Van Dijk është e vështirë, sepse si qendërmbrojtës është kaq i fortë dhe inteligjent. Ai e di se kur është koha e duhur për t’ju mbyllur dhe kur për ndërhyrje. Kjo e bën më të vështirë. Është më e vështirë të luash kundër qendërmbrojtësve inteligjentë. Ata nuk bëjnë gabime”.

Ruben Dias: “Ruben Dias është një qendërmbrojtës shumë i mirë. Ai është i shpejtë dhe i fortë. Gjithashtu ka cilësi, kështu që e bën të vështirë të luajturin kundër tij”.

Kalidou Koulibaly: “E njëjta gjë. Ai është i shpejtë dhe shumë i fortë”.

Raphael Varane: “Kam luajtur kundër Varane shumë herë. Ai është një qendërmbrojtës shumë i mirë. Ai është i shpejtë dhe inteligjent. Pozicionimi i tij është shumë i mirë. Ai është një top-lojtar. Ai pothuajse kurrë nuk gabon. Kjo është arsyeja pse ka fituar kaq shumë”.

Antonio Rudiger: “Më pëlqen Rudiger. Ai është një qendërmbrojtës që ju shkakton frikë. Wshtë shumë i fortë dhe i madh. Disa sulmues janë paksa të frikësuar. Unë nuk e bëj, por mendoj se shumë sulmues frikësohen pak prej tij”.

Neymar emëron mbrojtësin më të ashpër me të cilin është përballur një me një: “Kyle Walker. Ai është i shpejtë, i fortë dhe inteligjent”.