Ende i pamposhtur, pas katër ndeshjeve të para të kampionatit, Juventusi do të dalë në fushë i pari për sfidën e radhës në Serie A, për t’u përballur me Fiorentinën në “Artemio Franchi” të Firence. Bardhezinjtë vijnë nga suksesi ndaj Spezia, ndaj do të kërkojnë pikë ndaj një rivali historik, që do t’i lejojë të kapen në pikat shumë të larta të klasifikimit.

Massimiliano Allegri e prezantoi ndeshjen në konferencën e zakonshme për shtyp në prag të ndeshjes: “Është gjithmonë Fiorentina-Juventus dhe kur shkon në Firence, ato janë gjithmonë ndeshje të vështira për t’u luajtur. Unë e pashë Salernitanën dje, luajti shumë mirë, ndaj nuk duhet të mendojmë se Fiorentina është e vështirë dhe se tjetra është e lehtë, absolutisht jo e tillë. Le të mendojmë për një ndeshje për momentin, duke e ditur se e nesërmja do të jetë e ndërlikuar”.

Juventusi mori Paredes në orët e fundit të tregut të transferimeve: “Më duhet ende të vendos për formacionin, ndoshta ju e dini. Herë pas here lexoj formacionet dhe shoh që ju e merrni me mend. Merkatoja? Është e vështirë të japësh nota, por mund të them se klubi ka bërë shumë mirë si në hyrje, ashtu edhe në dalje. Lojtarët që donim dhe të rinjtë mbetën ashtu siç ishte në objektivat e klubit”.

Juventusi ka vendosur ta privojë veten nga Zakaria: “Ishte një mundësi. Djali u ndje pak i tërhequr dhe për këtë arsye vendosi të shkonte te Chelsea me entuziazëm. Unë i uroj fat të madh atij dhe Arthurit. Janë dy lojtarë shumë të mirë, por ne kemi bërë disa zgjedhje. Ata janë të lumtur dhe ne e kemi kompletuar skuadrën në mënyrën më të mirë të mundshme. Tani duhet të mendojmë për rikuperimin e Pogba dhe Chiesa”.

Kalendari është shumë i ngarkuar dhe Allegri do të mbështetet te rotacioni: “Nesër do të ketë disa ndryshime, edhe sepse pas më pak se 72 orësh do të luajmë në Paris kundër PSG-së. Bonucci është mirë, u stërvit me ekipin dhe do të mendoj nëse do ta luaj në Firence apo në Ligën e Kampionëve”.

Trajneri i Juventusit është fokusuar te Di Maria: “Kushtet e tij nuk janë optimale, por ai mund të luajë. Do të shohim nëse do të jetë 45 apo 60 minuta në fushë. Rabiot nuk do të jetë nesër, sepse ka një hematomë, që nuk e lejon të përkulë kofshën”.