Disa foto qarkullojnë në rrjet, tregojnë një shkëlqim misterioz të kuq mbi Oqeanin Atlantik.

Ngjyra e kuqe e ndezur u fotografua javën e kaluar nga një pilot i cili tha se nuk kishte parë kurrë diçka të tillë.

Fotoja e postuar në Reddit, nxiti një ‘furi’ teorish dhe komentesh nga fansat e zjarrtë të fantashkencës, të cilët bënë krahasime me shfaqjen të Netflix, Stanger Things.

Disa përdorues thanë se i ngjante dimensionit të tmerrshëm alternativ të shfaqjes, i cili mbështjell qiellin me dritë të kuqe.

Një përdorues shkroi: Mos u shqetësoni, janë gropat e ferrit. Ndërsa të tjerë pretendonin se kjo ishte vepër e UFO-ve.

Në të vërtetë shkëlqimi i kuq vinte nga një anije peshkimi. Peshkatari normalisht përdor qindra drita LED në perimetrin e varkës së tyre për të tërhequr peshqit, duke i lejuar ata të grumbullohen lehtësisht në rrjeta. (noa.al/M.D)