Transmetuar më 25-06-2022, 07:30

Vlerat e larta barike do të sjellin dominim të kushteve të qëndrueshme atmosferike përgjatë ditës, ku kthjellimet do të jenë mbizotëruese në orët e para të ditës në një pjesë të mirë të territorit.

Sipas MeteoAlb, pas mesdite pritet që vranësirat të bëhen të dukshme, të cilat më të fokusuara do të jenë në zonat malore.

Temperaturat e ajrit do të rriten ndjeshëm në mëngjes dhe në mesditë, duke luhatur vlerat ditore nga 14 gradë Celsius deri në 36 gradë Celsius.

Era do të fryjë mesatarisht me shpejtësi 28 km/h nga drejtimi perëndimor, duke krijuar në det dallgëzim 1-2 ballë.