Bosnje-Hercegovinë- Del emri dhe foto e vajzës që humbi jetën nga tërmeti i një nate më parë që tronditi Ballkanin dhe Shqipërinë.

Viktima është Elmira Sefo 27 vjeçe nga Stolaci, Bosnje-Hercegovinë, raporton Noa.al.

Mësohet se Elmira ndodhej në banesë bashkë me prindërit e saj në çastin e lëkundjeve të forta sizmike.

Një masë shkëmbore gjigante rrëshqet dhe u bie atyre mbi çati.

Elmira ka humbur jetën në vend ndonëse është dërguar në spital me shpejtës. Plagë kanë marrë edhe prindërit e saj të cilët ndodhen jashtë rrezikut për jetën.

Në spitalin e Stolacit janë paraqitur dhjetëra banorë me plagë dhe lëndime të ndryshme në trup, por nuk raportohet për viktima të tjera.

Ndërkohë dëmet materiale janë të konsiderueshme në mjaft banesa. Noa.al