Shumë prej jush mund të jenë kurioz për të ditur se si prodhohet sallami. Një dëshmi tronditëse është publikuar në lidhje me atë që ndodh pas dyerve të fabrikave që prodhojnë sallam. Një punëtor që ka punuar në një prej fabrikave më me emër në Tiranë, ai që denoncon atë që e quan krim ushqimor.

Punëtori thotë se ka punuar në disa procese dhe se e di shumë mirë se si “funksionon” çdo gjë.

Te salçiçet te çdo lloj sallami, në qoftë se ka një të bardhë picul e vogël ajo është lëkura e derrit.

Përveç saj i shtohet edhe kockë e bluar.

Sipas tij, sallami i skaduar rietiketohet për te dalë përsëri në treg.

Punëtori i fabrikës: Sallamet vinin dhe i rietiketonin prapë.

Gazetarja: I rietiketonin?

Punëtori i fabrikës: Po. Data e skandencës e ke parasysh? Në qoftë se sallami skadon për një muaj ato e vinin 5 ditë 7 ditë plus deri sa të shitej.

Gazetarja: Edhe lëkurën e derrit e përpunonin?

Punëtori i fabrikës: Po. Lëkura e derrit u bënte si kadaif. Ti shife sallamin, merr një sallam *** te popullori te salçiçet te çdo lloj sallami në qoftë se ke një të bardhë picul e vogël ajo është lëkura e derrit, ke proshuta te të gjitha.

Përveç saj i shtohet edhe kockë e bluar. Punonjësi i fabrikës tregon se çfarë ka ndodhur kur nga neglizhenca harruan ta fusnin kockën e bluar në frigorifer.

Punëtori i fabrikës: Kima se e quajnë kim ata, është kocka e bluar. Po ta lije në një vend të nxehtë në nxehtësi ajo u bënte gjak. Kocka e bluar u bënte gjak. Kur e kemi lënë njëherë te furra e harruam një natë u bë krejt gjak. Unë kam punuar te prodhimi te paketimi prandaj të thashë për etiketat.

Gazetarja: Po ky hot dog që reklamojnë?

Punëtori i fabrikës: Ka më shumë kima. Kimaja është kocka e bluar. Nëse e ke parasysh ha një sallam tjetër një salsiçe tjetër që është më e shijshme se kjo, kjo nuk ka shije prej kimasë. Edhe kur skuqet bëhet i kuq fare, ajo është kocka e bluar.