Asambleja e Zakonshme Zgjedhore e futbollit shqiptar ka zgjedhur sot edhe “qeverinë” e këtij sporti.

Përveç presidentit Armand Duka, të rikonfirmuar për mandatin e gjashtë si president, janë zgjedhur edhe 10 anëtarët e Komitetit Ekzekutiv.

Edhe në këtë organ vendimmarrës janë rikonfirmuar disa emra, ndërsa bie në sy prania për herë të parë në të e dy gazetarëve: Anila Basha dhe Pano Xhixho.

Nga anëtarët ekzistues, në ekzekutivin e futbollit tonë janë rikonfirmuar Abdyl Kuriu, Lutfi Nuriu, Arben Dervishaj, Bardhyl Jera, ndërsa ka mbetur jashtë Vasil Bici.

Prurje të reja, veç dy gazetarëve të sipërpërmendur, janë: Ylli Çekiçi, Gjergji Petro dhe Ervin Canollari.

Më poshtë janë emrat e fituesve dhe nurmi i votave që morën:

Abdyl Kuriu 38 vota

Anila Basha 35 vota

Arben Dervishaj 39 vota

Bardhyl Jera 35 vota

Envi Hicka 30 vota

Ervin Canollari 37 vota

Gjergji Petro 34 vota

Lutfi Nuriu 39 vota

Pano Xhixho 36 vota

Ylli Ҫekiҫi 34 vota