YouTube tha të premten se po bllokon kanalet e mediave ruse të financuara nga shteti rus.

“Udhëzimet tona të komunitetit ndalojnë përmbajtjen që mohon, minimizon ose banalizon ngjarje të dhunshme të dokumentuara mirë dhe ne heqim përmbajtjen në lidhje me pushtimin rus në Ukrainë që shkel këtë politikë. Në përputhje me këtë, në fuqi menjëherë, ne po bllokojmë gjithashtu kanalet YouTube të lidhura me mediat e financuara nga shteti ruse, në nivel global, “tha YouTube.

Me anë të një deklarate sot në Twitter, YouTobe tha se ka nisur bllokimin e kanaleve të RT dhe Sputnik në YouTube në të gjithë Evropën.

Ai shtoi se me nisjen e luftës në Ukrainë nga Rusia, kompania teknologjike ka ndërmarrë masa për të ndaluar fitimin e parave dhe për të kufizuar ndjeshëm rekomandimet për kanalet mediatike të financuara nga shteti rus.

“Ne ndaluam fitimin e parave dhe kufizuam ndjeshëm rekomandimet për kanalet mediatike të financuara nga shteti rus. Të dy veprimet janë globale dhe të pacaktuara. Ekipi ynë i Mirëbesimit dhe Sigurisë ka punuar për të hequr shpejt përmbajtjen dhunuese. Ne kemi hequr qindra kanale dhe mijëra video për shkelje të Udhëzimeve tona në Komunitet, duke përfshirë politikat tona rreth praktikave mashtruese dhe dezinformatave, ” tha YouTobe.