Rusia ka pranuar për herë të parë se ka pësuar humbje në njerëz në konfliktin me Ukrainën.

Për disa ditë, Kremlini kishte refuzuar të pranonte një numër të madh të vdekjeve në "operacionin special ushtarak", i cili ka shkatërruar qytetet kryesore të Ukrainës.

Tani, Rusia thotë se 498 nga trupat e saj janë vrarë, me 1,597 të tjerë të plagosur, raporton noa.al duke cituar Sky News.

Ndërkohë, presidenti ukrainas Volodymyr Zelenskyy thotë se ky numër është afër 9,000.

Në një fjalim mbrëmë, ai tha: "Ushtria jonë po bën gjithçka për të thyer plotësisht armikun. Gati 9,000 rusë janë vrarë në një javë."

Sakaq, pala ukrainase thotë se ka humbur rreth 2 mijë njerëz nga lufta e Rusisë ndaj vendit të saj.