Zyra e ambasadës Britanike në Kiev po zhvendoset përkohësisht pas rrezikut të një pushtimi të Ukrainës nga Rusia.

Lajmi u njoftua nga Ministria e Jashtme në Ukrainë, e cila theksoi se stafi do të operojë nga një zyrë në qytetin Lviv.

“Çdo veprim ushtarak rus në Ukrainë do të ndikonte rëndë në aftësinë e qeverisë britanike për të ofruar ndihmë konsullore në Ukrainë”, thuhej në njoftimin e ministrisë.

Në javët e kaluara edhe Shtetet e Bashkuara të Amerikës, Australia e Kanadaja kanë zhvendosur ambasadat e tyre nga kryeqyteti ukrainas.

Vendet perëndimore në javët e fundit e kanë paralajmëruar Rusinë se do të përballet me sanksione të ashpra nëse pushton Ukrainën.