Mauricio Pochettino po vihet gjithnjë e më shumë në pikëpyetje te PSG. Eliminimi i së hënës nga "Coupe de France" vetëm sa e ka dobësuar figurën e trajnerit argjentinas, i vënë në dyshim të plotë nëse është ai që do të vazhdojë ta drejtojë "anijen" pariziene.

Sipas "Le Parisien", drejtuesit sportivë të skuadrës franceze kanë tentuar ta shkarkojnë gjatë kësaj merkatoje dimërore, një opsion i përjashtuar në fund, pasi nuk gjetën një zëvendësues që ofronte garanci.

Leonardo ka në plan punësimin e Zinedine Zidane, por ish-marsejezi nuk donte të merrte frenat e PSG tani, pasi nuk ishte në gjendje ta formonte vetë skuadrën dhe për shkak të afërsisë së duelit kundër ish-skuadrës së tij në Champions, Real Madridi.

Media e sipërpërmendur garanton se drejtimi i Pochettino do të zgjasë më së shumti deri në fund të sezonit, kur ai do të lirohet nga detyrat e tij për zbarkimin e mëvonshëm të Zidane në "Parc des Princes".

Mesa duket, një shembull që Pochettino është bërë dalje është mosmarrja e Tanguy Ndombelé, kërkesë e shprehur e trajnerit argjentinas. Klubi nuk ka dashur t’ia plotësojë kërkesat e tij, duke besuar se argjentinasi nuk do të jetë në drejtim përtej verës.

Sipas RMC, eliminimi nga Kupa e Francës në duart e Nice nuk e rrezikon më shumë pozicionin e ish-trajnerit të Tottenhamit, ndërsa eliminimi përballë Real Madridit në Champions mund të çojë në shkarkimin e tij të menjëhershëm nga pankina e PSG-së.