Liza Marku, e njohur si nënë Liza nga banorët e lagjes "5 Maj", ka folur për ngjarjet e fundit në emisionin “Opinion”.

Banesa e saj u shemb në kuadër të projektit të rindërtimit dhe nënë Lizës iu desh të përballej me forcat e policisë për ta ndaluar këtë.

Ajo tha se fle jashtë pasi tashmë banesa e saj është shembur dhe gjithashtu akuzoi policinë pasi ushtroi dhunë mbi të duke e tërhequr zvarrë.

78-vjeçarja tha se kërkon dëmshpërblim për pronën e saj që përfshihet në projektin e rindërtimit.

“Kam fjetur Jashtë. Erion Veliaj më ka nxjerr jashtë e jashtë do flej. Ku të shkoj. Nuk kam për të shkuar nëpër miq shtëpi me qera nuk kam se shtëpinë e kam bërë vetë, as Erion Veliaj as Rama. Asnjë përgjigje nuk kemi, me atë marrëveshje me të dal unë jashtë. Mos i thonë nën Shqipëri, por mjera nëna Shqipëri. Dje keni ardhur si ata buburrecat, 1000 policë me 13 veta. Veni dorën në zemër si për fëmijët e tu se nuk jeton njeriu me 160 mijë lekë njeriu. Jam 78 vite. 1000 mijë policë më kanë marrë zvarrë dhe nuk kam marrë asgjë në shtëpi. Mos ikni ballafaqohuni me popullin. Kanë ardhur e kanë fikur dritat dhe kanë ikur tamam hajdutshe.Të isha një nënë e pa fëmijë por më dhimbet fëmije se pa i marr tre vet të vdekur në arkivol. Të nxjerrin jashtë fëmijët 2 vjeç e 3 vjeç se nuk keni faj ju se jeni brenda e ne jemi jashtë. I dua metër për metër dhe shkruheni në kontratë”,- Liza Marku.