Krejt ndryshe nga konteksti idilik i përjetuar në momentin e rikthimit të Cristiano Ronaldos në Angli, me ndeshjen e mrekullueshme kundër Newcastle, ngjarjet kanë marrë drejtim krejt tjetër. Duket si një përjetësi, në fakt.

Sot, “Djajtë e Kuq” jo vetëm që kanë ndërruar trajnerë, por janë jashtë zonës europiane, duke tentuar me vështirësi të grumbullojnë pikë dhe të rinisin një “makinë”, që pas lamtumirës së Solskjaer dhe ardhjes së Rangnick u bllokua për momentin.

Këtu, trajneri gjerman duket se ka ndikuar në një mënyrë të fortë: të dëshmojë jo aq rezultatet, por klimën e tensionit që shfaqet edhe në media. Episodi i fundit erdhi në rikuperimin e ndeshjes së javës së 17-të të Premier League, në fushën e Brentfordit.

Manchester United fitoi 3-1 falë golave ​​të Elanga, Greenwood dhe Rashford, por sherri mes Cristiano Ronaldos dhe vetë trajnerit Rangnick ndodhi rreth minutës së 70-të të lojës. Trajneri gjerman vendosi ta zëvendësojë portugezin.

Ish-lojtari i Juventusit dhe Real Madridit nuk e mori mirë, vërtet: "Pse mua? Pse më zëvendësuat?" Të ulur në pankinë, të dy filluan të bisedojnë në mënyrë të zjarrtë, dukshëm të kapur nga kamerat e pranishme në stadiumin “Brentford Community”.

Pas ndeshjes erdhi edhe shpjegimi i Rangnick, i cili tregoi versionin e tij të fakteve në lidhje me zëvendësimin: “Nuk prisja që të më përqafonte pasi u zëvendësua, e di se si funksionon me lojtarët që duan të shënojnë.

Nuk ka asnjë problem me Cristiano, por ai është rikuperuar nga një dëmtim dhe nuk është stërvitur për një javë e gjysmë. Pse të mos ua jap shansin lojtarëve që kam në pankinë në kësi ndeshjesh?”

E gjithë kjo vjen pas disa javësh, në të cilat e ardhmja e afërt e Cristiano Ronaldos te Manchester United u vu në diskutim gjerësisht. Sigurisht, situata nuk është aq idilike sa mendohej, pas kthimit të tij në “Old Trafford”.