Noa.al mëson detaje të reja nga atentati me armë që ndodhi paraditen e kësaj të marte ndaj biznesmenit Lulzim Masha në Tiranë, në zonën e Liqenit.

Masha 63 vjeç, administratori i një shkolle të njohur private, është qëlluar teksa ka qenë duke drejtuar makinën e tij, tip "Benz".

Burimet bëjnë me dije se në zonë nuk janë dëgjuar të shtëna, çka shton dyshimet se ndaj biznesmenit është qëlluar me armë me silensiator.

Paraprakisht dyshohet se biznesmeni e ka parë autorin, dhe ka bërë një përshkrim të tij përpara hetuesve.

"Ishte një i ri në moshë, reth 1.75 i gjatë. Esmer në fytyrë dhe me mjekër. Mendoj se ishte i moshës 25-vjeç. Nuk më ka komunikuar asgjë, vetëm ka qëlluar dhe është larguar menjëherë.

Kam lëvizur makinën disa metra nga vendi i ngjarjes, dhe kam kontaktuar policinë. Ka qenë në këmbë kur më doli përpara dhe është larguar në këmbë", mësohet se është shprehur Masha.

View this post on Instagram

A post shared by NOA në Instagram (@noanews)