Flakët e zjarrit kanë përfshirë një banesë në fshatin Dishnicë të Korçës. Për pasojë ka mbetur e plagosur një vajzë, e cila dyshohet se vuan nga probleme të shëndetit mendor. Sipas burimeve, ngjarja ka ndodhur mëngjesin e sotëm rreth orës 06:15, ndërsa si pasojë e flakëve në banesën e shtetasit I.B ka marrë djegie trupore vajza e tij, shetasja K.B, e cila ndodhet në spitalin rajonal të Korçës, ku po merr ndihmën e parë mjekësore, ndërsa mësohet se ndodhet jashtë rrezikut për jetën. Grupi hetimor, i cili ka shkuar në vendin e ngjarjes, po punon për zbardhjen e rrethanave të saj dhe përcaktimin e shkakut të zjarrit.