“Lega Serie A” merr një vendim të mëtejshëm pas shtyrjeve të ndeshjeve të disa ndeshjeve të javës së fundit të kampionatit, duke shpjeguar përmes një shënimi:

“Në fund të Asamblesë së sotme u rikonfirmua me vendosmëri besimi për të vazhduar zhvillimin e garave sipas planit, falë aplikimit të rregulloreve organizative të miratuara dje nga Këshilli i Ligës”.

“Lega Serie A” gjithashtu shpreson se "në mbledhjen e qeverisë, të mërkurën e ardhshme, do të jetë e mundur të identifikohen qartë mjetet e koordinimit të ASL-ve territoriale për të siguruar menaxhimin uniform të situatave të Covid-19 në ekipe".

Ndërkohë, kryeministri italian Mario Draghi ka telefonuar presidentin e FIGC, Gabriele Gravina. Një komunikim telefonik pa tensione, sipas asaj që mësohet, gjatë së cilës kryeministri pyeti mbi gjendjen e klubeve të futbollit, që po përballen me një rritje të re të infeksioneve Covid.

Kjo gjë ka shkaktuar tashmë kaos dhe shtyrje ndeshjesh. Draghit, i cili tha se ishte "i shqetësuar" për situatën, Gravina i shpjegoi ndalimin e të gjitha ligave nga B e poshtë, duke konfirmuar gjithashtu gatishmërinë e Serie A për të ecur përpara.

Kjo edhe për shkak të vështirësive që lidhen me kalendarin, pavarësisht rrezikut gjithmonë më të madh e konkret të rikthimit te ndeshjet me dyer të mbyllura (pa tifozë). Për momentin, Serie A nuk merr në konsideratë as hipotezën e një vetëreduktimi të pjesëmarrjes së tifozëve në stadiume, të propozuar nga vetë Gravina.