Një mjet është shpërthyer me tritol sot në orët e para të mbrëmjes në Vlorë.

Ngjarja ndodhi në lagjen "Hajro Cakërri".

Burime policore deklarojnë se, dyshohet se në pjesën e përparme të një automjeti tip" Volkswagen Pasat", në pronësi të shtetasit Benard Sinomataj, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Automjeti ka shumë kohë i parkuar pasi pronari i mjetit prej kohësh ndohet jashtë shtetit.

Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.